По четиринаесети пат ќе биде организирана голема крводарителска акција посветена на големиот хуманист Тоше Проески во знак на одбележување на неговиот роденден. Организатори на крводарителската акција се Црвениот крст на град Скопје, Општинска организација на Црвен крст Гази Баба, Институтот за Трансфузиона медицина со поддршка на Тоше фан Македонија и фондација Тоше Проески. Поддршка на акцијата ќе дадат членовите на Клуб 25- Скопје и волонтерите на ЦК Гази Баба.
„Ликот и хуманото дело на Тоше Проески се позитивен пример и поттик за многу млади личности кои токму на овој датум даруваат крв, но и мотивација за повеќекратните дарители да продолжат со хуманиот чин.“
Крводарителската акција ќе се одржи на 25-јанури во период од 09:00 до 17:00 часот во Дом на АРМ во Скопје.
Strugaonline
Facebook Коментари