Со 16 сликарски композиции во комбинација од неколку техники како и декоративни предмети на вечерва во 19:00ч во Јавна соба ќе биде отворена изложбата “Мост” на Сузана Зафирова. Влезот за сите посетители е слободен.
Изложените уметнички слики се дел од творечкиот циклус „Заѕиданата невеста“ во кој Сузана се осврнува на големината на жртвата која произлегува од состојбата на безизлезност. Од денешна перспектива, на саможртва направена во минатото може да се гледа како на инвестиција за добробит во сегашноста.
Покрај 16 уметнички слики на авторката, на изложбата ќе бидат понудени и повеќенаменски декоративни предмети. Предметите се украсени со апстрактни и флорални мотиви во живи бои и експлозивни контрасти и нивната употреба е ограничена само со вашата фантазија.
Сузана Зафирова дипломирала на Академијата за ликовна уметност во Љубљана во 1977 година. Во текот на 15 тематски циклуси има одржано над 40 самостојни изложби во земјите во регионот.
Facebook Коментари