Комисијата за заразни болести денеска ќе одлучува за рестриктивни мерки за празниците

Комисијата за заразни болести денеска  одлучува дали за престојните празници ќе се намали работното време на угостителските објекти и дали ќе се воведат нови рестриктивни мерки со цел да се спречи натамошно ширење на вирусот COVID-19.

Од Независната угостителска комора (НУК) информираа дека доставиле официјално барање до Комисијата за заразни болести за учество на работниот состанок.

– Со нашето учество бараме да ни се овозможи да ги слушнеме грижите и оправдувањата на членовите на Комисијата за заразни болести поради кои сака да ги усвои најавените рестриктивни мерки и истовремено да ни дозволи и овозможи пред истите да ги достави до Владата и да ги објави да ни овозможи да укажеме за нивните недоследности, нелогичности, очекувани негативни ефекти и општествени последици не само за сите угостители и целокупната угостителска индустрија, туку и за сите граѓани на нашата држава, велат од НУК.

Инспекторите најавија засилени контроли пред и за време на новогодишните празници, а МВР ги следи огласите за издавање објекти за праниците.