Министерот за здравство ќе разговара со семејството на Леонид за можните решенија за подмирување на досегашните трошоци за рехабилитација
Владата на Република Северна Македонија на вчерашната седница го разгледа случајот на Леонид Индов, за што детално информираше министерот за здравство.
-Образложени беа досегашните процедури што се водат пред надлежните институции и се однесуваат на рехабилитацијата на Индов, што се одвива во моментов. Во врска со ова прашање, Владата донесе заклучок со којшто го задолжи министерот за здравство да разговара со семејството и да ги запознае со можните решенија за подмирување на досегашните трошоци за рехабилитација на Леонид Индов, по што тој ќе ја информира Владата за конкретното изнајдено решение.- стои во владиното соопштение.
Strugaonline
