Грција ги отвора границите на 14 мај и за македонските граѓани, информира министерот за здравство, Венко Филипче.
„Ние имаме многу честа комуникација и со грчкиот министер за здравство, а утрово разговарав и со грчкиот министер за туризам Теохарис, и тој ме извести дека двата гранични премини Дојран и Евзони ќе ги отворат на 14 мај и за македонските граѓани“, рече Филипче.
За влез во Грција ќе треба да се покаже потврда за вакинација или негативенн ПЦР тест.
„Тоа што јас земав обврска утрово е да испратам како ќе изгледаат нашите сертификати за вакцинација со сите потребни кодови и листата на официјални и овластени лаборатории кои што можат да издаваат и ПЦР тестови“, рече Филипче.
Тој изрази надеж дека оваа одлука нема да се промени заради евентуална промена на епидемиолошката состојба во двете земји.
Во следните денови се очекува да бидат договорени деталите околу усогласување на сертификатите за вакцинација.
Facebook Коментари