Од утре стапува на сила одлуката на Регулаторната комисија за енергетика (РКЕ) за ново поскапување на горивата за два денари по литар.
Малопродажната цена на ЕУРОСУПЕР БС-95 ќе биде 70 денари за литар, на ЕУРОСУПЕР БС-98 71,5 денари за литар, а малопродажната цена на ЕУРОДИЗЕЛ (Д-Е В) од утре ќе чини 62 денари за литар. За два денари поскапува и Екстра лесното масло за домаќинство (ЕЛ-1) и ќе се продава за 50,5 денари за литар.
Ново поскапување на нафтените деривати е диктирано од движењата на цените на светските берзи. Според методологијата на пресметка на РКЕ курсот на доларот и цената на нафтата се главни за одредување на цената на горивата во Македонија.
Новите цени ќе важат во следниве две седмици.
Facebook Коментари