Од полноќ поевтинуваат бензините и дизелот

Според одлуката на  Регулаторната комисија за енергетика, од вечерва на полноќ бензините и дизелот ќе имаат нови, поевтиници цени.

Согласно методологијата за пресметка на цените, малопродажните цени на горивата се намалуваат за 3.48 %.

Цената на бензините ќе се намали за два, а на дизел горивата за 1.5 денар. ЕУРОСУПЕР-95 ќе се продава по цена од 60.50 денари, додека ЕУРОСУПЕР-98 ќе се точи за 62.50 денари.

ЕУРОДИЗЕЛ горивото од вечерва ќе чини 46.50 денари. За 1,5 денар поевтинува и екстра лесното масло за домаќинство, па новата цена ќе изнесува 35 денари за литар.

Новите цени ќе важат следните две седмици.