Поетесата Марина Мијаковска ќе настапи на интернационалниот поетски фестивал во Саранда

Поетесата Марина Мијаковска ќе учествува на најголемиот интернационален поетски фестивал во Саранда, Р. Албанија.  Поетскиот фестивал е во организација на „Јонскиот креативен клуб“, а ќе се одржи во периодот од 29 септември до 1 октомври.

На десеттото издание на фестивалот „The Trireme of the Ionian Poetry“ ќе настапат осумдесетина учесници од целиот свет. На ова издание на фестивалот ќе биде промовирана антологијата „Trirema e Poezisë Joniane“, во која се застапени учесниците со творби во превод на албански јазик.

Марина Мијаковска е застапена со три творби од стихозбирката „Постела на тишината“, а за оваа книга Мијаковска ја доби наградата „Бели мугри“ за 2015 година.

Strugaonline