Школата за ракомет „КЛ7“ ги прекинува тренинзите на територија на цела држава
Школата за ракомет „Кирил Лазаров 7“ согласно одлуката на Влада за прекин на наставата во образовните институции во следните 14 дена ги информира тренерите, родителите и сите кои се дел од школата за ракомет дека во истиот период школата нема да работи на територија на цела Македонија.
Тоа значи дека тренинзите се прекинуваат до прекин на одлуката. Се ова со цел спречување на ширење на Корона вирусот.
„За стартот на работата на школата ќе Ве информираме навремено.
Врз основа на одлуката на РФМ за продолжување на првенствата во млади категории ќе се информира дополнително за евентуален прекин на тренинзите на нашите селекции.“ – велат од КЛ7.
