Тесен резултат на првиот круг од претседателските избори, следува неизвесен втор круг

Својот нов претседател, Македонија ќе го избере во вториот круг од претседателските избори што ќе се одржи на 5-ти мај.

После вчерашниот изборен ден, „мртва трка“ помеѓу Гордана Сиљановска-Давкова и Стево Пендаровски. Според резултатите од државната изборна комија на преброени 99,96 отсто од гласовите, Пендаровски освоил 323.846 гласови, додека Давкова 319.240 гласа. Кандидатот на БЕСА и Алијансата, Блерим Река освоил 79.915 гласови.

Во проценти,  Пендаровски има 42,85 проценти од гласовите, Силјановска Давкова 42,24 проценти, а Река 10,57 отсто.

Неважечки се 32.828 гласови или 4,34 проценти.