Владата утре ќе расправа за скратување на полицискиот час

Владата утре ќе расправа за намалување  на полицискиот час во Македонија воведен поради епидемијата на корона вирусот, објави Министерот за здрвство Венко Филипче.

Предлогот е полицискиот час наместо во 16:00 часот  да почнува во 19:00 часот и да трае до 5 :00 часот наутро. Олеснување да има и за старите лица над 67 годишна возраст. Тие да можат да се движат од 8:00 часот наутро до 12:00 часот на пладне во работните денови. Децата и младите до 18 години да можат да излегуваат од 13 до 16 часот.

Се предлага и во викендите да има поинаков режим. Полицискиот час да почнува во сабота во 13 часот и ќе трае до 5:00  часот наутро во понеделник.

Министерот  Филипче потенцираше дека  пократкиот полициски час ќе значи нови задолжителни мерки за заштита, како што е носење на маски, шал или марама во затворен простор, додека пак, надвор задолжителна социјална дистанца од 2 метра.