Секој 4-ти февруари, Светскиот ден на борба против ракот го привлекува вниманието во светот кон ракот и неговата превенција, дијагностицирање и лекување, признавајќи ја посветеноста на организациите, заедниците и индивидуите за намалување на глобалното влијание на болеста.
10 милиони луѓе секоја година умираат од рак. Тоа е повеќе од ХИВ/АИДС маларија и туберкулоза заедно. Стручњаците предвидуваат дека до 2030 година смртноста од ракот ќе порасне на 13 милиони.
Светскиот ден на ракот е единствена иницијатива во која целиот свет може да се обедини во борбата против глобалната епидемија на рак.
Светскиот ден за борба против ракот е повеќе од само еден ден на календарот. Затоа кампањата е создадена за да инспирира промени и да мобилизира акција долго после самиот ден. Повеќегодишна кампања значи поголема изложеност и ангажман, повеќе можности за градење глобална свест и на крајот поголемо влијание.
Секој човек има способност да направи разлика, голема или мала, но заедно здравствената заедница може да направи вистински напредок во намалувањето на глобалното влијание на ракот.
Повеќе од една третина од случаите на рак може да се спречат. Уште една третина може да се излечи ако се открие рано и се третира правилно. Со имплементирање на стратегии за превенција, рано откривање и третман што одговараат на ресурсите, можеме да спасиме милиони животи секоја година.
Денес знаеме повеќе за ракот од кога било досега. Преку инвестиции во истражување и иновации, бевме сведоци на извонредни откритија во медицината, дијагностиката и научните сознанија.
Колку повеќе знаеме, толку повеќе можеме да напредуваме во намалувањето на факторите на ризик, зголемување на превенцијата и подобрување на дијагнозата, превенцијата, третманот и грижата за ракот.
Со подигање на јавната и политичката писменост и разбирањето за ракот, го намалуваме стравот, го зголемуваме разбирањето, ги отфрламе митовите и заблудите и ги менуваме однесувањата и ставовите.
StrugaOnline
Facebook Коментари