Вардар одигра нерешено на гости кај ПИК Сегед во ЛШ

После осум победи по ред, екипата на Вардар одигра нерешено во Лигата на шампиони на гости кај ПИК Сегед.  Ова е добар резултат, ако се земе во предвид дека Унгарците беа во водство речиси цело време. Прв пат, Вардар успеа да поведе во 12-та минута со 5:4. Потоа следуваше период  кога Унгарците беа во предност, Вардар потоа успеа да израмни. Домаќините водеа со два гола во 16та минута, потоа следуваше период кога се играше гол за гол и Врдар успеа да намaлии на гол негатива. На одмор домаќините заминаа со предност 14:13

Почетокот на вториот дел донесе израмнување, во 37-та минута  ПИК Сегед се избори за разлика од три голови, кога попушти нападот на Вардарци. Серијата им ја прекина Борозан кој за Вардар постигна два гола по ред. Во 47-та минута имаше израмнување 20:20, но домаќините брзо успеаа да дојдат до плус 2.

Драмата дојде на минута до крајот кога Македа ја реализираше контрата која дојде после брзоплетоста на домашните. Тоа беше гол за 26:26, а ПИК Сегед тргна во последен напад. На 20 секунди до крајот после тајм-аут домашните ја загубија топката, а Тимур Дибиров беше во контра и биеше преку гол. Ја имаше меч топката в рака, но не ја реализираше, па ПИК Сегед доби уште 15 секунди за уште една акција. Немаше гол, па останаа нерешените 26:26.

Извор и фото:24rakomet