Групата „Морал“ се враќа на домашната сцена после пауза од една деценија

После повеќе од една деценија, групата „Морал“ се враќа на македонската музичка сцена во истиот состав како и порано. Промоцијата на нивниот нов албум насловен како „Coffeine Blues“ ќе се одржи во четврток (19-ти октомври) во 20:00 часот во „Пивница Стар Град“ на Кале. Албумот е сниман со прекини во период од пет години во разни скопски студија.

После една деценија, повторно ќе ги видиме: Ивица Јорданов (гитара), Влатко Илиевски (вокал), Сашо Ангелов (тапани) и Славчо Стојановски (бас).

„Морал“ најавуваат дека на нивниот нов албум (кој го задржува познатиот „Морал“ рок звук, а сепак секоја песна е различна) гостуваат: Марко Маринковиќ Слаткар, Тамара Тодевска и Игор Џамбазов.

Strugaonline