Mузички перформанс „Еволуција на музиката“ овој петок во Струга

 Во петок, 08.06.2018 година во Центарот за култура „Браќа Миладиновци“ во Струга ќе биде претставен музичкиот перформанс „Еволуција на музиката“

Мултикултурно и мултиетничко соединување преку музички перформанс „Еволуција на музиката од среден век до модерно време“ е проект на Здружението Тактус – Охрид во соработка со Државното Музичко Училиште „Тодор Скаловски – Тетоец“ – Струга. Овој проект е дел од проектот „Декада на припадност – славење на различноста“ поддржан од Европската Унија, а се имплементира преку Локална Агенција за Развој -Струга и ЗГ Креативни и Активни – Струга.
„Еволуција на музиката“ претставува едукативен музички перформанс во кој се претставува развојот на музиката низ вековите, а во кој учествуваат ученици од различни етнички групи. Целта на настанот е да покаже пример за меѓуетничко разбирање, соединување, дружење, соработка, комуникација и славење на различноста преку универзалниот јазик – МУЗИКАТА.

Почетокот е закажан за 18:00 часот.

Strugaonline