Граѓанската иницијатива „Доста“ предлага организрање Новогодишен пазар во Струга

Граѓанската иницијатива „Доста“ поднесе иницијатива до Општина Струга, за организирање на Новогодишен пазар.

Идејата за ваков новогодишен пазар е превземена по примерот на новогодишните пазари кои се организираат во западно-европските метрополи, а во последно време и во некои градови во Р. Македонија, во размер кој одговара на градот Струга.

„Очекуваме градоначалникот и советот на градот да покажат ентузијазам и да излезат во пресрет на потребите на жителите на Општина Струга. Сметаме дека на овој начин ќе се збогати новогодишната понуда на градот и ќе може да се привлечат туристи и во овој дел од годината. Ве повикуваме како јавност да се приклучите кон оваа иницијатива и со ваш придонес да издејствуваме реализација на оваа иницијатива.“ – велат од „Доста“.

Од таму додаваат дека оваа иницијатива произлегува од желбата во Струга да се случуваат повеќе настани од културно-забавна област.

Strugaonline