Успешен настап на Веслачкиот клуб ,,Црн Дрим“-Струга на Меѓународната веслачка регата Војводина Опен

Веслачкиот клуб Црн Дрим-Струга  учествуваше на силната Меѓународна веслачка регата Војводина Опен на езерото Палич , во конкуренција со веслачки екипи од  Србија , Унгарија , Хрватска , Бугарија и Македонија при што постигна задоволувачки резултати .

Имено во категоријата Скиф – под 13 години младата Стружанка Ана Прентоска го освои првото место , што претставува голем успех и поттик за понатамошната кариера .

Климентина Стојмиловска во категоријата скиф-кадетки се пласираше во финалето , каде го освои одличното 6-то место во конкуренција од десет натпреварувачки .

Елена Столеска во конкуренција скиф-јуниорки не успеа да се пласира во финалето , но достојно го презентираше македонското веслање .

Струшките веслачки ги предводеше тренерот на ВК Црн Дрим и селектор на македонската веслачка репрезентација , Марјан Влаќески .

Strugaonline