Проектот „Деструкција вода“ вечерва ќе биде претставен во Струга

Завршната фаза на Интердисциплинарниот мултимедијален проект под наслов „Деструкција вода“ на иманентниот автор Исмет Рамиќевиќ, вечерва  во 20:30 часот преку музички перформанс и изложба ќе биде претставен  на платото пред  Домот на културата „Браќа Миладиновци“ – Струга, односно реката Црн Дрим.

Истиот  е составен од изложба на скулптури-музички инструменти во простор, видео перформанс и концертен перформанс во кој учествуваат познати македонски музичари од Скопје и Струга. Музичарите ќе музицираат на скулптурите – музички инструменти застапени во повеќе светски култури и традиции.

Проектот е подржан од Министерството за култура на Република Северна Македонија.

Strugaonline