Денеска во канцеларијата на градоначалникот се одржа работен состанок со претставникот на проектот,,Одржливо управување со отпад на локално ниво“, каде е вклучена и Општина Струга, а кој се имплементира во партнерство помеѓу SALAR International, Министерството за животна средина и просторно планирање (МЖСПП), Министерството за локална самоуправа (МЛС) и Заедницата на единиците на локалната самоуправа (ЗЕЛС), кои се главните чинители во
соодветните области на управувањето со отпад, испораката на локални услуги, како и
застапувањето и координацијата помеѓу локалните самоуправи.
Проектот е фокусиран на два региона во земјата – Југозападниот и Пелагонискиот, каде тесно ќе
се соработува со општините, локалните комунални претпријатија и жителите, заради подобрување на планирањето и испораката на услугите за управување со отпад во
согласност со насоките на ЕУ, како и со новото национално законодавство и стратешкиот план за
отпад.
-Овие општини од двата региони исто така ќе имаат своја улога во проектот и токму
нивното вклучување ќе се фокусира првенствено на развивање на капацитетите на секторот за управување со отпад, промовирање на меѓуопштинската соработка, како и поддршка на целните општини во операционализацијата и имплементацијата на управувањето со отпадот.
Со цел да се вклучат што е можно поголем број на општини во активностите на проектот,,Одржливо управување со отпад на локално ниво“, Општина Струга изрази иницијатива да се приклучи кон останатите општини во Пелагонискиот и Југозападниот регион. За таа цел се одржа состанок со тим лидерот на проектот Емил Ангелов.-информираат од Општина Струга.
Додаваат дека во рамки на проектот, заедно општинската администрација, Советот и јавните претпријатија ќе работат на изработка на Локалните акциски планови за управување со отпад и ќе се воспостават структури за реализација на активности што одат во насока на остварување на целите од планот и приклучување кон регионалниот концепт за управување со отпадот.
Strugaonline
Facebook Коментари