Утре во Струга средба со граѓанските заедници во рамки на проектот ,,Еднакви можности во културата за сите етнички заедници во Струга“

Во рамки на проектот ,,Еднакви можности во културата за сите етнички заедници во Струга“,  утре со почеток во 10:00 часот во хотел ,,Београд“ во Струга ќе се одржи средба со граѓанските организации и пошироката јавност. 

На средбата ќе се дискутира за потребите на културно-уметничките друштва односно како истите се финансираат и колку се зависни од поддршката од страна на надлежните институции.  Организатор на средбата е Youth Dream.

Проектот ,,Еднакви можности во културата за сите етнички заедници во Струга“ има за цел да ги обедини сите засегнати страни кои се релевантни фактори за донесување одлуки, програми и други акти од областа на културата и културните манифестации. 

,,Струга е мултиетнички град и во областа на културата треба да бидат застапени и претставени културните манифестации од  сите етнички заедници кои живеат во Струга“-велат граѓанските организацции и културните работници.

Проектот го реализира  НВО Youth Dream-Struga во партнерство и со поддршка од страна на EU for Civil Resilience финансинан од страна на ЕУ. 

Координатор на проектот е Еди Кела. 

Strugaonline