Во рамки на проектот ,,Арт лаб“, утревечер во Јуроп Хаус Струга ќе се одржи музички настан во кој ќе биде претставена музиката од различни стилски периоди и ќе бидат отпеани неколку популарни песни од македонската, албанската и турската музичка сцена.
Според најавената програма, на настанот ќе учествуваат средношколци од Охрид и Струга од ДМУ „Тодор Скаловски – Тетоец“ од различни етникуми- Македонци, Албанци, Турци и Египјани.
– Проектот чиј прв дел е токму овој музички настан, има за цел да ја претстави универзалноста на музиката како медиум за поврзување на младите од различни етнички средини-информираат oд здружението ,,Тактус“.
Проектот е во реализација на Здружението за развој на културно-уметнички вредности ТАКТУС Охрид, со поддршка на ОБСЕ и ќе се одржи со почеток од 19 часот.
Strugaonline
Facebook Коментари