Претставата „Генијална идеја“ денеска на репертоарот на Народен Театар Охрид

Народниот театар Охрид денеска ќе ја изведе претставата „Генијална идеја“ во малата сала на НУ Центар за култура „Григор Прличев“ – Охрид, со почеток во 20:00 часот.

Претставата е работена по текст на повеќе автори, во драматургија и режија на Ненад Витанов, а станува збор за динамична дуо драма во која улогите ги толкуваат Ивица Цонев и Филип Кипровски.

Сценографијата е дело на Филип Витанов, додека за костимите е задолжена Мимоза Тодоровска. Продукцијата најавува современ сценски израз и актерска игра фокусирана на силна интеракција и интензивна драмска линија.

Цената на билетите изнесува 300 денари.
Билетарата работи секој работен ден од 10:00 до 17:00 часот, како и од 13:00 до 20:00 часот на денот на изведбата.

StrugaOnline