Иле Велоклењоски избран за претседател на Месната заедница во Враништа

Во селото Враништа, на 10 октомври 2026 година, се одржа Собир на граѓани на кој беа избрани новите членови на Советот на Месната заедница, како и претседателот на оваа месна заедница.

Собирот започна во 18:00 часот, во организација на Одделението за соработка со Месни заедници при Општина Струга, а на истиот присуствуваа претставник од Општина Струга и голем број жители на селото.

На собирот, едногласно беа избрани членовите на новиот состав на Советот на Месната заедница Враништа. За претседател беше избран Иле Велоклењоски, додека за членови на Советот беа избрани Игор Мацески и Јаков Бајчески.

Од Одделението за соработка со Месни заедници при Општина Струга информираат дека изборниот процес поминал успешно и во согласност со предвидените процедури.

Оттаму изразуваат надеж дека новиот состав на Советот на Месната заедница ќе придонесе за понатамошен развој на Враништа, подобрување на условите за живот и унапредување на соработката меѓу жителите и локалната самоуправа.

StrugaOnline