(ВИДЕО ) „Време“ на Sarah Mace лета низ македонскиот етер

Скопје, (01.11.2017) Првиот албум на Sarah Mace совршено легна на полиците на Југотон. Нејзиниот проект „Floating through space with Sarah Mace“ полета со песната „Небо“ и сега, првата песна од албумот насловена „Време“ лебди низ македонскиот етер, радио станиците и топ листите придобивајќи илјадници љубители на музиката. Денес е време за „Време“ да се најде и на YouTube:

Инспирацијата за текстот на песната „Време“ извира од елацијата на минатото, допирот на сегашноста и аберацијата на иднината. Музиката на „Време“ е од Sarah Mace, Дејан Митовиќ и Неврус Бајрам, и текстот е од Sarah Mace. Аранжманот е од Дејан Митровиќ, Неврус Бајрам, Sarah Mace, Иван Петровски и Александар Ванчовски. Снимена е од Ивица Јанкуловски и микс и мастер е Горан Гешовски.

Во склоп на проектот „Floating through space with Sarah Mace“ се одржаа два концерти, каде на првиот, под отворено небо, времето не им дозволи на Сара и нејзиниот тим да го одржат еден од најспецифичните концерти кои некогаш биле подготвени во Македонија. Покрај тоа што дождот и ниските температури претставуваа ризик за сите, Sarah Mace, Иван Петровски, Неврус Бајрам, Дејан Митровиќ, Филип Димишковски, Теа Богатинова, Калина Велковска, Александар Ванчовски и Виктор Филиповски се качија на бината и со акустични инструменти ја исполнија атмосферата со забава и причина за уживање пред присутните.

Албумот „Floating through space with Sarah Mace“ е авторско дело на Sarah Mace и нејзиниот тим. Истиот е издаден од „Пасворд продукција“. Продуцент е Горан Гешовски и албумот се снимаше во студио „Алшар“ од Ивица Јанкуловски. Албумот е во продажба и сите заинтересирани може да го најдат во Југотон.

Strugaonline