На 28-мата седница на Влада, одржана вчера. донесена е Одлука со која е одобрена предлог листа на проекти од општини за финансирање од дополнителни средства кои се обезбедија со пренамената на финансиските средства од ТАВ што беа предвидени за изградба на карго аеродром во Штип.
Со оваа одлука се обезбедени 35 милиони евра за 99 проекти за 75 општини кои се одобрени за изградба и реконструкција на локална патна инфраструктура, за водоснабдителна мрежа, за канализациони мрежи, за реконструкција изградба на градинки и училишта и спортски објекти, за реконструкција и изградба на здравствени установи, и за други проекти што ги предложија општините и што се прифатени со оваа одлука на Владата на Северна Македонија.
-Одобрен е и Проектот за изградба на улици во УЕ 8 според ДУП за блок 22 и дел 23 и 24, град Струга, во износ од 66.961.675,70 денари. Горенаведениот проект е еден од приоритетните проекти на Општина Струга и многу важен за развојот на градот во оваа зона, каде се вклучени изградба на улици, канализациона и атмосферска мрежа.- соопштија од Општина Струга.
Strugaonline
Facebook Коментари