Повик за пријавување на манифестацијата „Охридски староградски средби“

Националната установа Центар за култура „Григор Прличев“ од Охрид го објави повикот за учество на традиционалниот фестивал „Охридски староградски средби“, кој и оваа година ќе се одржи во првата половина на септември.

Фестивалот, кој со години претставува значаен настан за зачувување и промоција на староградската музика и фолклорна традиција, ги повикува сите заинтересирани ансамбли, хорови, музички групи и поединци кои негуваат староградски песни и обичаи да се пријават за учество.

Организаторот информира дека пријавите можат да се достават по електронски пат на адресата centarzakultura_ohrid@yahoo.com, како и по пошта на адреса: НУ Центар за култура „Григор Прличев“ – Охрид, ул. „Македонски Просветители“ бр. 4, 6000 Охрид.

„Охридски староградски средби“ претставува препознатлива културна манифестација која секоја година собира голем број учесници и љубители на староградската музика од земјата и регионот, придонесувајќи за зачувување на богатото музичко и културно наследство.

Сите заинтересирани учесници се повикуваат навреме да ги достават своите пријави и да станат дел од уште едно издание на фестивалот што традиционално го збогатува културниот живот во Охрид.

StrugaOnline