Претставата ,,Љубов во струшко Нерези“ вечерва хуманитарно за Бојан Крстески

После успешно одиграната премиера на урнебесната комедија ,,Љубов во струшко Нерези“ по текст на Татјана Трифуноска Ѓоршески, а во режија на Ристе Миладин,  пред преполна сала, на барање на публиката,  членовите на Драмското студио ,,Миладин“ вечерва во 19:30 часот повторно ќе ја одиграат популарната претстава, овој пат со хуманитарна цел.

Влезниците се по цена од 150 денари, а сите средства собрани од билетите ќе бидат донирани за младиот стружанец Бојан Крстески.  Од Драмското студио ,,Миладин“ ги повикуваат сите љубители на театарот да ја проследат оваа претстава и во исто време да бидат хумани.

Освен со купување билет за претставата, за Бојан можете да донирате и на бројот 143 131

Strugaonline