Во просториите на Општина Струга, градоначалникот Рамис Мерко оствари средба со претставници на Еуростеп Дооел Скопје.
-На средбата се дискутираше за организација на Меѓународен бизнис форум на кој ќе се презентираат капацитетите, условите и предностите за привлекување на инвеститори, а воедно и развивање на туризмот преку цела година.-информираат од Општина Струга.
Во текот на наредната година е предвидена организација на саем за риби и рибарство во Струга. На саемот ќе учествуваат риболовни здруженија од Западен Балкан кои ќе ги претстават нивните производи, дејности и активности со поставување на штандови.
За време на саемот е предвиден музички настан и учество на диџеи, со цел привлекување поголем број посетители.
-Дел од саемот ќе биде посветен во организација на бизнис форум кој ќе има за цел да поттикне соработка и инвестиции помеѓу правните лица во Струга и струшката околина и правните лица од странство.-додаваат од Општина Струга.
Strugaonline
Facebook Коментари