Преку два клучни настани, во Струга ќе биде заокружена реализацијата на проектот „Граѓаните на нашиот град, главни актери или неми статисти“, поддржан од Civica Mobilitas.
Во сабота 05.12.2020, 12:00 часот во, фоајето на НУЦК Браќа Миладиновци- Струга ќе се одржи
јавна дискусија на тема „Живот во идеален свет: Чисто крајбрежје – слобода на граѓаните“, на која учество ќе земат урбанисти и архитекти од Струга, а ќе биде презентирано и идејно решение за живот без дивоградби на младиот архитект Јордан Лазороски. Максималниот број на гости на дискусијата е 30, со задолжително носење на заштитни маски и придржување до здравствените протоколи.
јавна дискусија на тема „Живот во идеален свет: Чисто крајбрежје – слобода на граѓаните“, на која учество ќе земат урбанисти и архитекти од Струга, а ќе биде презентирано и идејно решение за живот без дивоградби на младиот архитект Јордан Лазороски. Максималниот број на гости на дискусијата е 30, со задолжително носење на заштитни маски и придржување до здравствените протоколи.
Истиот ден во 17:00 часот во струшкиот центар за култура ќе има премиера на четири струшки, креативни документарни филмови, комплетно напишани, снимени, режирани, монтирани, продуцирани од млади стружани, кои решија да станат главни актери и на уникатен начин, преку филмот да го кренат својот глас и да ги адресираат проблемите кои сите ги чувствуваат во нашиот град. Максималниот број на публика во кино салата е 130, со задолжително носење на заштитни маски и придржување до здравствените протоколи.
,,Горди сме и среќни што успеавме во краток период, на петнаесетина млади стружани да им ги пренесеме основите на филмската уметност, а уште повеќе што заедно со нив снимивме четири документарни филмови кои ќе останат засекогаш, како белег на нивната младост и нашата заедничка борба за поубава Струга.“ – велат од продукцијата Bager Genesis 2.0 која го реализираше овој проект .
Strugaonline
Facebook Коментари