Струга претставена на Саемот за туризам во Косово
По двегодишна пауза поради ковид пандемијата, градот Струга повторно ги претставува своите туристички потенцијали, овојпат на Меѓународниот саем за туризам и спорт во Република Косово, односно во Приштина.
На учесниците на саемот и на косовските туристички работници и пошироко им беа претставени убавините на Струга.
–Горди сме што постојано ја подобруваме туристичката понуда, ги следиме светските трендови создавајќи нови форми на алтернативен туризам ја промовираме нашата прекрасна Струга.- велат од Општина Струга.
-Подготвуваме и заеднички проекти со соседните земји кои им овозможуваат на вработените во туризмот да понудат нови пакети и предизвикуваат интерес кај гостите од цела Европа, а зошто не и од целиот свет.-додаваат од општината.
