Општина Охрид, НУ Центар за култура „Григор Прличев“, НУ Библиотека „Григор Прличев“ и ОУ „Григор Прличев“ , во рамките на годинешното издание на традиционалната културна манифестација „Прличеви беседи“, најавуваат богата програма по повод 127 – годишнината од смртта на Григор Прличев и јубилејните: 190 години од неговото раѓање и 160 години од издавањето на поемата „Сердарот“.
Настаните започнуваат денеска од 17:30 часот во ОУ ”Григор Прличев” со промоција на стихозбирката „Мојата шарена стихувалка” од ученичката Матеа Стоев.
Утре од 11:45 часот во изложбениот салон на Центарот за култура ќе биде отворена изложба на ликовно дела на уметници од Македонија, а од 12:00 часот започнува свеченоста посветена на лауреатот на наградената поема за 2019 година, Стево Симски.
Во четврток, 6-ти февруари од 10:00 часот е предвидено полагање цвеќе пред спомен-бистата на Прличев во основното училиште, по што ќе следи Прличевата визита. Од 10:45 часот предвидено е полагање ловров венец и свежо цвеќе пред спомен-бистата на Прличев пред охридската библиотека и обраќање на претставник од Друштвото на писатели на Македонија. Панихида и полагање свежо цвеќе на гробот на Григор Прличев ќе се одржи од 11:30 часот.
Од 12:00 часот во спомен-куќата на Григор Прличев ќе се обрати претставник на општина Охрид по што ќе следи промоција на книгата „Антологија на ловорот” (Приредувачи: проф.д-р Димитар Пандев и Славе Ѓорѓо Димоски). Од 13:00 часот пак во Библиотеката за животот и делото на Прличев – Вториот Хомер со свои лични навраќања кон истражувањата на неговото творештво, нераскинливо врзано за Охрид ќе беседи проф. д-р Вера Стојчевска- Антиќ. Потоа ќе биде промовиран Каталогот на стари и ретки книги – издание на библиотеката. Промотор ќе биде Богомир Наумоски, библиотекар – советник од Струга. Настанот ќе биде заокружен со Прличевата визита и настапот на Михаил и Иван Мишеви кои ќе ја изведат Прличевата „1762 лето“.
Во петок, 7-ми февруари по повод патрониот празник е предвиден спортски ден во организација на ОУ “Григор Прличев”.
Strugaonline
Facebook Коментари