Министерката за образование и наука Мила Царовска на сите просветни работници им го честиташе денешниот 5-ти октомври, Светски ден на наставниците. Таа им ирази благодарност за посветеноста и трудот вложен во тешките услови за настава во изминатата една и пол година.
– Денес, кога го одбележуваме Светскиот ден на наставниците, искажувам неизмерна благодарност до сите просветни работници за посветеноста и несебичниот труд којшто го вложија во исклучително тешки учебни години во услови на пандемија и ни овозможија да имаме континуитет во образовниот процес. Храбро одговоривте и на позитивните промени што ги воведуваме за поквалитетно и современо образование, притоа брзо прилагодувајќи се на новите наставни програми и дигиталните учебници. Одиме напред кон новите предизвици со кои сите заеднички ќе направиме образовен систем кој ќе ни биде национална гордост, напиша Царовска на својот фејсбук-профил.
Strugaonline
Facebook Коментари