Од Централен регистар на Република Македонија ги информираат сите правни субјекти кои имаат обврска да достават годишна сметка и финансиски извештаи до Централниот регистар дека рокот за поднесување на годишните сметки истекува утре 28.02.2018 година, додека за самостојните вршители на дејност рокот за поднесување на годишните сметки е до 15.03.2018 година во хартиена и електронска форма.
„За субјектите кои водат сметководство согласно Законот за трговски друштва рокот за поднесување на годишните сметки и финансиските извештаи во електронска форма е до 15.03.2018 година, а големите и средни трговци се должни да ја достават годишната сметка до Централниот регистар само во електронска форма.
Централниот регистар за време на приемот денес – 27.02.2018 и утре – 28.02.2018 година ќе работи од 07:00 до 21:00 часот, додека во РК Македонски Брод, РК Виница, РК Берово и РК Делчево работното време ќе биде од 08.00-16.00 часот. Во градовите каде што Централен регистар нема канцеларии, приемот на годишните пресметки ќе биде со следниот распоред:
– Во Кратово прием ќе се врши денес 27.02.2018 и утре 28.02.2018 година, во просториите на Општина Кратово од 08:00 – 16:00 часот.
– Во Крушево приемот ќе се врши во просториите на УНИ денес 27.02.2018 и утре 28.02.2018 година од 08:00 – 16:00 часот.
– Во Демир Хисар приемот ќе се врши во Општина Демир Хисар денес 27.02.2018 и утре 28.02.2018 година од 08:00 – 16:00 часот.“ – стои во соопштението на Централен регистар.
Strugaonline
Facebook Коментари