Oд вечерва на полноќ цените на бензините се зголемуваат за 1.50 денари, дизелот поевтинува 0.50 денари – oдлучи Регулаторната комисија за енергетика.
Во согласност со методологијата која РКЕ ја користи за пресметка на цените, малопродажните цени на горивата се зголемуваат во просек за 0.09 проценти. Преведено во цени, тоа значи дека цените на ЕУРОСУПЕР-95 и ЕУРОСУПЕР-98 се зголемуваат за по 1.50 денари – па еден литар ЕУРОСУПЕР-95 ќе чини 66.00 денари, а еден литар ЕУРОСУПЕР-98 ќе чини 67.50 денари.
Цената на ЕУРОДИЗЕЛ горивото се намалува за 0.50 денари, и еден литар дизел гориво ќе чини 60.50 денари.
Цените стапуваат на сила вечерва на полноќ и ќе важат следните две седмици.
Facebook Коментари