Осмото издание на меѓународната манифестација „100 илјади поети за промена“ се одржa во сабота, 15 декември со почеток во 19:00 часот во кино салата на кафе бар „Селект“ во Струмица. Глобалното движење „100 Илјади поети за промена“, во соработка со здружението „Контекст – Струмица“ го реализираше осмото издание на манифестацијата „100 Илјади поети за промена“, на која традиционално беше промовиран зборникот со дел од авторите кои учествуваа на конкурсот и беа презентирани дизајнерските решенија на авторите застапени на изложбата, а самата програма беше проследена со читање на поезија од автори од неколку градови од Македонија.
Темите кои се најчеста инспирација за авторите и поетите кои учествуваат на манифестацијата, обработуваат проблеми поврзани со општествениот и социјалниот живот, мирот, заштитата на природната околина, заштитата на планетата Земја. Проблеми поврзани со глобалното затоплување, со ранливите општествени групи. Преку оваа манифестација во континуитет се согледува дали поезијата е доволно моќна да иницира позитивни промени во државите, промени во начинот на размислување, во односите меѓу луѓето. Да се промени гледиштето на светот со зборови, мисли, поезија; размислувања и разговори со самите себе; внатрешни промени наспроти големата слика. „100 Илјади поети за промена“ се поддржани од годишната програма на Општина Струмица.
Фото:Митко Иванов
Facebook Коментари