Концерт на легендарниот Влатко Стефановски на 1-ви август во Охрид

Oва лето 2018-то кое што ни претстои ќе го одбележат многу културни и музички настани. Еден од позначајните најавени настани е концертот на легендарниот Влатко Стефановски кој ќе се одржи во Античкиот театар во Охрид

Влатко Стефановски  моментално е актуелен со албумот  „Мајчин јазик“- негов прв соло акустичен албум кој содржи инструментални верзии на македонски народни песни. Станува збор за 35-тиот албум во неговата кариера. Овој квалитетен носач на звук и софистицираните преработки кои му доликуваат на Влатко Стефаноски, најдобриот гитарист во регионов и пошироко,  наидоа на воодушевување кај публиката на концертите во Скопје. Во оваа софистицирана музичка уметност на 1-ви август ќе уживаат и Охриѓани и гостите.

Концертот е во организација на „Баги Комуникации“.

Strugaonline