Од полноќ поскапуваат бензините, дизелот поевтинува

Од ноќеска на полноќ бензините поскапуваат за половина и еден денар, а дизелот поевтинува за половина денар.-одлучи РКЕ.

Според одлуката на Регулаторната комисија за енергетика, малопродажната цена на Еуросупер БС-95 се зголемува за 1 денар за литар и ќе изнесува 50,50 денари, а на Еуросупер БС-98 за половина денар и ќе се точи за 52,50 денари.

Малопродажната цена на Еуродизел (Д-Е V) ќе се намали за половина денар и ќе се продава за 42 денари за литар. Цената на Екстра лесното масло за домаќинство (ЕЛ-1) се зголемува за 0,50 денари за литар и ќе изнесува 31 денар, додека малопродажната цена на мазутот М-1 НС се намалува за 0,801 ден/кг и ќе изнесува 16,144 ден/кг.