Според статистичките податоци на МВР, во изминатото деноноќие, на подрачјето на СВР Охрид, единаесет лица не ја почитувале забраната за движење за време на спроведување на мерките за ограничено движење и заштита на граѓаните од ширење на коронавирус COVID-19 (Охрид 1, Струга 9 и Кичево 1).
– Тие се приведени и против нив, ќе бидат поднесени пријави според членот 206 -„непостапување според здравствените прописи за време на епидемија“. Во истиот период, не се регистрирани нарушувања на јавниот ред и мир и сообраќајни незгоди. На подрачјето на СВР Охрид, моментно во изолација се 161 лице (Охрид 57, Струга 86 и Кичево 18). Врз нив, полициски службеници извршиле вкупно 82 контроли (Охрид 37, Струга 34 и Кичево 11). Во самоизолација, моментно се регистрирани вкупно 94 лица (Охрид 25, Струга 28, Кичево 8 и Дебар 33). Врз овие лица, извршени се 61 контроли (Охрид 19, Струга 19, Кичево 3 и Дебар 20). Воедно, полициските службеници самостојно но и во координација со Државниот пазарен инспекторат, извршиле 61 контроли врз угостителски и други објекти (Охрид 23, Струга 06, Кичево 22 и Дебар 10). Во истиот период, полициските службеници констатирале 126 прекршоци за не носење на лична заштита на лицето (Охрид 72, Струга 20, Кичево 18 и Дебар 16), информираат од СВР Охрид.
Извор: СВР Охрид
Facebook Коментари