На 14.11.2023 година, полициски службеници од СВР Охрид во основното училиште „Ванчо Николески” во охридското село Лескоец, реализираа превентивен проект на тема „Врсничко насилство”.
– Низ интерактивен пристап, на учениците од шесто до деветто одделение им беа објаснети појавните форми и облици на манифестирање на насилство помеѓу врсниците „булинг” и он-лајн насилството „сајбер булинг”, како крајно штетни и опасни појави при користење на социјалните мрежи.-информираат од СВР Охрид
Додаваат дека околу 150 ученици беа запознати како треба да реагираат доколку тие се жртва на булинг и сајбер булинг, каде да го пријават насилството и со кого да ги споделат тие информации.
Оваа едукативна кампања ќе биде реализирана и во другите училишни центри на подрачјето на СВР Охрид.
Извор: СВР Охрид
фото: архива
Facebook Коментари