Рано утринава, во 03:39 часот силен земјотрес ја погоди соседна Албанија, близу границата со Република Македонија.
Епицентарот на земјотресот бил на 22 километри од градот Подградец, на длабочина од само 2 километри. Почувствуван е и во Охрид, Струга како и другите градови во југозападна Македонија.
– Телеметриската сеизмолошка мрежа на Република Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје денес, 20-ти јануари 2021 година, во 03 часот и 39 минути, регистрираше земјотрес чиј епицентар се наоѓа во Република Албанија, 145 километри југозападно од Скопје. Земјотресот имаше локална Рихтерова магнитуда ML4.0, а беше почувствуван од населението на нашата Република, особено во југозападните делови со интензитет од III до IV степени според Европската макросеизмичка скала, информираат од Сеизмолошката опсерваторија при Природно-математичкиот факултет во Скопје.
Facebook Коментари