Општина Струга и локалните организации со низа активности за подигнување на свеста за ракот на дојката

Во текот на октомври, месец посветен на подигнување на свеста за ракот на дојката, Општина Струга, во соработка со American Corner Струга, Europe House Струга и Црвениот крст Струга, реализираше активности насочени кон информирање на јавноста и поттикнување на свеста за важноста на превенцијата и раното откривање на оваа болест.

Преку низа активности, учесниците ја истакнаа важноста на редовните здравствени прегледи, навременото информирање и поддршката за жените кои се соочуваат со дијагноза на рак на дојката.

Посебен акцент беше ставен на едукацијата од страна на здравствени професионалци, споделувањето лични искуства и уметничкото изразување, преку кои беше испратена силна порака за солидарност, разбирање и заедничка одговорност во борбата против оваа болест.

Со заеднички ангажман, институциите и организациите потсетија дека подигнувањето на јавната свест е важен чекор кон поголема информираност, навремено откривање и подобра поддршка за секоја жена.

Пораката од активностите е јасна – редовните прегледи и раното откривање можат да направат значајна разлика, а поддршката и солидарноста се неопходни за никоја жена да не се чувствува сама во оваа борба.

StrugaOnline