Утре се одбележува светскиот ден на здравјето -СЗО со поразителни бројки за заболените лица од депресија

- 06/04/2017
- Здравје
1000

Седми април во светот се одбележува како светски ден на здравјето. Светската здравствена организација деновиве објави поразителни бројки за заболените лица од депресија. Имено, според СЗО над 350 милиони луѓе се заболени од депресија, а во Европа, четири од 15 луѓе страдаат од некоја форма на депресија. Се проценува дека на годишно ниво депресијата и анксиозноста доведуваат до глобални економски загуби кои се повисоки од еден билион американски долари.

Токму затоа, организирана е кампања под мотото ,,Depression, let’s talk” чија што цел е да укаже дека депресијата е болест или состојба која зазема светски размери и за неа не треба да се молчи. Луѓето треба да престанат да се срамат од депресивната состојба, за неа треба да зборуваат со своите блиски и со стручните лица за истата побрзо и поквалитетно да ја надминат.

Освен за депресијата, и во Македонија и во светот се повеќе се прават напори за создавање современи методи за лекување на сите видови болести, за да се зачува здравјето како најважна вредност во животот на човекот.

Facebook Коментари