Петтоодделенците од ООУ „Браќа Миладиновци“ Струга се пласираа на регионалните натпревари по математика

Учениците од петто одделение од ООУ „Браќа Миладиновци“ Струга постигнаа одличен успех на Општинските натпревари по математика, организирани од Сојузот на математичари на Македонија (СММ), каде што покажаа високо ниво на знаење, посветеност и сериозен пристап кон натпреварувањето.

Со својата темелна подготовка и ангажман, учениците успешно ги совладаа натпреварувачките задачи и обезбедија пласман на Регионалните натпревари, со што достојно го претставија училиштето и ја потврдија својата љубов кон математиката.

На регионалните натпревари ќе учествуваат учениците: Ниса Ислами, Петрит Домазети, Рина Жаку, Арти Асани, Амин Мало, Арон Абедини и Рони Каба.

Од училиштето упатија честитки до учениците за постигнатиот успех, истакнувајќи дека ваквите резултати се доказ за континуираната работа, труд и мотивираност кај најмладите, а воедно им посакаа многу успех и на претстојните регионални натпревари.

StrugaOnline