Марко Милески е првенец на генерација 2025/2026 година во ООУ „Јосип Броз Тито“ Струга

Со голема гордост и задоволство, ООУ „Јосип Броз Тито“ Струга го објави изборот на Марко Милески за првенец на генерацијата 2025/26, признание кое се доделува на ученик што се истакнал со исклучителни резултати, труд и посветеност во текот на основното образование.

Марко во изминатите години континуирано бележеше одличен успех, покажувајќи висок степен на одговорност, дисциплина и љубов кон знаењето. Неговите бројни постигнувања на натпревари, училишни и воннаставни активности го направија пример за своите соученици и достоен амбасадор на училиштето.

Признанието „Првенец на генерацијата“ претставува круна на неговиот досегашен труд и потврда дека упорноста, посветеноста и вербата во сопствените способности секогаш носат успех.

Од училиштето упатија искрени честитки до Марко, посакувајќи му многу среќа, нови предизвици и уште поголеми успеси во понатамошното образование и животот.

„Неговиот успех е инспирација за сите ученици и доказ дека со работа и истрајност може да се постигнат врвни резултати“, порачаа од ООУ „Јосип Броз Тито“ Струга.

Искрени честитки за првенецот на генерацијата 2025/26 – Марко Милески.

StrugaOnline