„Не се клади на енглези“ ќе се игра на Охридска сцена

На шести октомври како гостувачка претстава  во Народен театар Охрид, ќе биде одиграна комедијата „Не се клади на Енглези”. Претставата е авторско дело на Владимир Ѓурѓевиќ, а во режија на Синиша Евтимов.

Играат актерите на МНТ: Оливер Митков, Сашко Коцев и Александар Микиќ.

„Претстава која го третира феноменот „спортско обложување“. Текстот во суштина се занимава со прицините и последиците од истиот. Бескрајно долгата транзициска беда, надежта на пониските социјални слоеви за брза заработка, дегенерација на нацијата итн. Жанровски претставата е комедија, но во текстот може да се насетат и болните аспекти на девијантната појава, обложувањето. На секундарно ниво оваа претстава ја истражува и границата помеѓу човековата себичност и искреното пријателство.“ – стои во описот на претставата.

Билетите за претставата по цена од 200 денари, се пуштени во продажба од денеска и можат да се набават на билетарата при НУ Центар за култура “Григор Прличев” – Народен Театар Охрид.

Фото: МНТ