Од 16-ти до 19-ти март се одржува Меѓународниот ракометен турнир во Сараево под мотото ,,Сарајево љубави моја“ за ветерани од целиот Балкан на кој ќе учествува и тимот на РК Стружанка -Ветеранки .
На овој турнир ќе учествуваат 32 екипи од кои 13 женски и 19 машки.
,,РК Стружанка -Ветеранки со гордост ја прифатија поканата да играат на овој турнир и да го претставуваат градот Струга, а и нашата татковина ,,-велат од клубот.
Од РК Стружанка-Ветеранки изразуваат благодарност до сите помагатели кои преку донации, спонзорства и поддршка им овозможија да отпатуваат на ова натпреварување.
Организаторот покрај ракометот нуди богата културно уметничка програма со многу забава и музика . Главен покровител е градот Сараево и градоначалникот, пришто на интересен начин преку спорт го промовираат својот прекрасен град и неговите убавини.
На ланскиот турнир што се одржа во октомври во Струга, нашите ракометарки го осовоија сребрениот медал, но велат дека дружењето, позитивните искуства и новите пријателства се целта на овие турнири, а не наградите.
Strugaonline
Facebook Коментари