Синоќа, почина Томислав Поповски, значајно име кога станува збор за спортот во Струга. Поповски беше роден во Струга 1940 година. Со спорт се занимавал уште од најрана возраст, посебно бил посветен на спортовите на вода но бил и еден од првенеците во пинг-понг во Струга. Во својот живот обавувал повеќе функции во оваа област вклучувајќи ги и: Повеќегодишен секретар на пливачкиот ватерполо клуб „Струга“ од Струга, Претседател на Кајакарскиот сојуз на Македонија на мирни води во два мандати, сосема заслужено бил член на Македонскиот олимписки комитет и други. Добитник е на бројни признанија од републички, сојузен и меѓународен ранг. Ќе остане запаметен како голем вљубеник во спортот и познат и признат спортски работник.
Facebook Коментари