Утре вечер (петок, 3 мај) во Домот на културата во Вевчани, КУД „Дримкол“ ќе го одржи својот годишен концерт кој традиционално секоја година се одржува помеѓу Велигденските и Ѓурѓовденските празници.
На концертот учество ќе земат сите фолклорни ансамбли на друштвото, изворниот и народниот оркестар, пејачката група ,,Каданка,, и нејзини солисти како и членови на патувачкиот театар од Вевчани. На програмата ќе бидат застапени песни и ора од сите играорни подрачја во Македонија.
Поради големиот интерес кај публиката за овој културен настан, КУД „Дримкол“ одржува по два концерти со почеток во 18,00 часот и 20,00 часот.
Низ годините наназад, со сигурност може да се забележи дека ова друштво на своите концерти секоја година обработува различни теми, праќа силни пораки и на еден посебен и автентичен начин прави одличен спој на песната и орото со тематската целина која се обработува.
Извор: cooltura.mk
фото: архива
Facebook Коментари