Вечерва со почеток од 20:00 часот, во Центарот за култура „Григор Прличев“ во Охрид ќе се игра премиерата од претставата „Балканска 3а/2“ од Дејан Дуковски, а во режија на Ана Батева.
„Балканска 3а/2“ е црна комедија во која недостатокот на човечност во човекот е нормална појава, а човековата отуѓеност од современиот свет е секојдневие.
„Балканска 3а/2“ е и трилер кој има за цел да ни покаже антиопштествени форми на
однесување, кои освен што го изветоперуваат социјалното функционирање на едно општество, го загрозуваат и неговото постоење.
„Балканска 3а/2“ е слика на апсурдот на нашето време, а оттаму и комичен приказ
на денешното живеење.
Во преставата играат: Стрезо Стаматовски како Илија, Елизабета Стефановска во улогата на Мирна, Филип Кипровски го толкува ликот на Арслан, а како потстанар глуми Никола Тодоровски.
Билет за за премиерата чини 250 денари.
Strugaonline
Facebook Коментари