Во рамки на активностите посветени на Неделата на грижа за стари лица 18 до 24 ноември 2019, како една исклучително хумана програмска определба, со посебен акцент на еднаквиот однос и вклученост на старите лица во општествените текови и потреби на заедницата, Клубот за грижа за стари лица при Црвен крст Охрид објавува литературен и ликовен конкурс на тема „Еднакви сме сите“.
На конкурсот може да учествуваат учениците од основните и средните училишта на општините Охрид и Дебарца со дела од поезија, проза и ликовна уметност.
Ликовните и литературните творби може да се доставуваат во просториите на Црвен крст Охрид, ул. Димитар Влахов бр. 52, или да се испратат на е-маил: [email protected], најдоцна до 15 ноември 2019 г.
Доставените творби ќе ги разгледува и оценува соодветна комисија, а најдобро рангираните творци по категории: прво до петто одделение; шесто до девето одделение и средно образование, ќе бидат објавени на 21.11.2019 година (понеделник) кога и ќе им се доделат соодветни награди.
Творбите треба да бидат потпишани од авторот со податоци за име и презиме, возраст, училиште-одделение/клас, контакт телефон и адреса на живеење.
Strugaonline
Facebook Коментари